إيه يا ضرسى...؟
إيه يا ضرسى...؟
جاى أهوه وعليك بمسّى.
قولى إيه كان بس منى
لما تزعل وتخاصمنى
وف يومين ألمك قاتلنى؟
طب جاوبنى
قوللى... فيدنى
أعمل أيه لجل تصالحنى؟
السوساية وشيلنهالك
طربوشاية وجبنهالك
قولى إيه تانى وصارحنى.
والسوساية... مش بيدى
جَت فى جسمك غصب عنى
كلت حلو كتي... سامحنى.
دا أنت تبقى حتة منى
وف مكانك زى إبنى
ليه مغلبنى وتاعبنى؟
ياما روحنا كتير عزايم
ياما كلت معاك ولايم
عند حمدى وعند حسنى.
ياما قلت دا ضرس غول
عضم يطحن... لحمة... فول
عمره ما همه...مساعدنى.
مش شايفها بردو عيب
لما بيقوللى الطبيب
إن ضرسك مش عاجبنى؟
ليه تشمّت فينا شامت ؟
ليه تدخّل بينا تالت؟
يوجعك ويقوم واجعنى ؟
بص لِخواتك وشوفهم
كلهم قاعدين فى حالهم
مرتاحين ومريحينى.
دا اللى بهدلته وكسرته
اتحشى وخلصت حكايته
عمره ما زيك حاسبنى .
الحكاية فيها إنّة ؟
واقع إنت ف حب سِنّة؟
قلت جارها يروح ناقلنى ؟
طب هنعمل بس إيه؟
صعب دا اللى بتحكى فيه
مش هينفع... غصب عنى.
مش هنتكلم كتير
إنت بردو ليك ضمير
ونتَ بالتأكيد حاسسنى.
صورة أرشيفية
مشاركة
اضف تعليقاً واقرأ تعليقات القراء
مشاركة
اضف تعليق
تم أضافة تعليقك سوف يظهر بعد المراجعة
عدد الردود 0
بواسطة:
ايه
ايه القرف ده
هي نقصاكم على العموم ربنا يشفى
عدد الردود 0
بواسطة:
abdrbo
جميل جدا
عدد الردود 0
بواسطة:
abdrbo
جميل جدا
عدد الردود 0
بواسطة:
مروه
ههههههههههه
حلو خااااااااااالص فلا الضرس بيزعل صاحبه جدا
عدد الردود 0
بواسطة:
احمد السيد
على فكرة جميلة جدا بس اللى بيفهم شعر وكتابة فعلا
عدد الردود 0
بواسطة:
مصرى
??