فيسبوك
واتساب
بشوفك وانتى طالعة الصبح تتخفى من الديَان
بشوفك ضربى جوه القسم تتشفى ف ابن جبان
بشوفك جوعى وذلى لرغيفك فلا يكفى فاموت عطشان
بشوفك لفة على شغلة لبعد الضهر تتلفى وأدوس حفيان
بشوفك كل مرة من برة كإنى غريب
بشوفك فكرة حرة مضطرة على التعذيب
بشوفك أم متباعة بدون سعرك بأمر الديب
بشوفك هدة لحيل عبيد قصرك يقولوا نصيب
بشوفك وانتى بتعانى ف قهرك لما تتهانى
واشوفك وانتى وجعانى ف ضهرك لما تتخانى
بشوفك وانتى سكرانة ف وش الفجر جيَانى
واشوفك جنبى ف الجامع ف يوم تانى
صورة أرشيفية
