فيسبوك
واتساب
كده زيّك زى غيرك
القلب كان أسيرك
عاشق وسط الحياة
وتحس بحد غيرى
وتعيش وياه ف خِيرى
ويخونك ف اللـُقىَ
أنا مش هندم ع اللى
غربّنى جوه ضِلى
وسقانى المُـر يـاه
زعلان أنا بس مِنك
حاسس وياك كإنك
علمّت القلب آه
لكن وبسرعة هنسىَ
وحسابك إنت لسه
هزرع جواك آلام
وهتعرف مين حبيبك
أو مين فكر يسيبك
يُغدر ويقول سلام
وقوام هتدور ليالى
ولا هلقاك يوم ف بالى
وتقول بٌعدى حرام
ولا تشغل قلبى لحظة
والناس تفضل مِلاحظة
إحساسك بالغرام
يومك قـَرّب معايا
هَانت كل الحكاية
بكرة هنساك خلاص
الضحكة الحلوة بارت
والدنيا لينا دارت
والفرحة بالمقاس
ذنبى كان إيه قولولى
قلبه كان ليه وصولى
واحترت معاه يا ناس
وسنين العمر مـــَــرّت
والدمعة ف عينى فَـرّت
مات الشوق والإحساس
أوراق قلبك هتدبل
ولا مرة ف يوم هتقبل
غيرى وتقول مفيش
إحساس غير اللى حاسه
والناس بكرة هيقسوا
على قلبى وليه أعيش
تتمنى رجوعى وأرفض
وعيونك ليـّا تُرّصــــد
أوهام ما بتنتهيش
أصبحت معايا ماضى
ما بقاش القلب فاضى
لحاجات ما بترونيش
صورة أرشيفية
