ومتزعليش
لو كل حاجة عوزتيها
حلفت متجيش
وعشان الهم فيكى اتساب
بقيتى تقولى مليش أحباب
وإن الحب وهم وسراب
متتخنقيش
لو لفيتى شارع الحياة
تتسولى الفرحة
وملقتيش!
ولو للحب ناديتى
ومسمعكيش
لو للسعادة رحتى جرى
ومقابلتكيش
ولقيتى الحزن جايلك سعى
ومهربتيش
ولو الحياة مضحكتلكيش
مشيت واديتك ضهرها
وعنك دورت وشها
من عِندها
متستغربيش
وعانديها
وواجهيها
وأحلى ضحكة سمعيها
وإن عاندتك
وضايقتك
وتعبتك
متعيطيش
ولو عنك
كل أحلامك اتخلت
متيئسيش
ولو كل أصحابك خانوا
وعلى حقيقتهم بانوا
متتفاجئيش
ولو ضاقت حواليكى
وضاع كل اللى كان ليكى
خليكى جامدة
متضعفيش
كل اللى مكتوب هيكون
وإن شاء الله الصعب هيهون
أيوة اصمدى
متتذليش
ولو الحبيب باع وهجر
أو عشمك وبيكى غدر
ابعدى عنه متستنيش
ومش كل اللى بيجوكى
لازم يكونى بيحبوكى
بكلمة بحبك
متتخدعيش
ولو الحياة وجعتك أوى
وجرحت قلبك بالأوى
متخضعيش
ولو ذنوبك كانوا كتار
ده ربك رحيم غفار
ارجعيله متتكسفيش
وقولى يا رب
فك الكرب
واغفر الذنب
هيغفرلك
متقلقيش
وعشان هو ربك
متزعليش
صورة أرشيفية
مشاركة
اضف تعليقاً واقرأ تعليقات القراء
مشاركة
