م. مجدى عزيز يكتب: أيوة بحبك

أيوه بحبك حب جنون
أيوه انا عاشق بيكى مفتون
ولو طال ليلى أو زاد ويلى
هاتفضلى ليلى وانا المجنون

حُبى يا غالية قدر محتوم
ومهما يلوموا عليّا اللوم
هافضل احبك واحفظ عهدك
وراضى يطير من عينى النوم

مهما تدوّرى موش هاتلاقى
فى حنان قلبى ولا أشواقى
يحبك حبى ويتعب تعبى
ويصبر عمره وأمله تلاقى

آه يا غرامى دا حبك غالى
وانتى لوحدك مالية خيالى
ولما تغيبى قولى حبيبى
تلاقينى عندك جيت طوالى

تروح الناس وانا وحدى الباقى
لعطش الغربة أنا كنت الساقى
أفضل جنبك وامسح دمعك
ولو ضاع عمرى أهو انتى عزائى

مكتوب إسمِك على أوراقى
وانتى منايا وكل رجائى
وازاى انساكى وانا بهواكى
وانتى دوايا وفيكى شفائى

آه يا هوايا فين أيامِك
يا كل هنايا معايا أمانِك
ويوم ما تجينى تشيلك عينى
ولا أرضاش أبداً بهوانِك

أيوة هاترجعى هنا من تانى
موش علشانك ولا علشانى
علشان قلبك هو يدلّك
وعمرى ما هانساه ولا ينسانى