د. صبرى إسماعيل يكتب: صرخة عربى

أنا فى الأساس عربـى مصرى وعِنوانى
بلدى اللى عُمرى إسمها بيرنّ فى وِدانى
بعشق تراب أرضها ساكنة فى وجدانى

يانخل تمر اللبان بنعطّّشك تِحلوّ
يا نخل تمر اللبان إوعى لولاد السّو
لو إيد فى يوم تخلعك هتثور رياح الجوّ
هرمى عليهم حمم ويفزّ بُركانى

أنا باعشقك يانيل واعشق جبال سايه
واعشق بحور الوطن وف قلبى جوّايا
القدس منى أنا والحلم والغاية
نهر الفرات ابنها دجلة وليطانى

عربى وده معدنى وازرع عيدان السنابل
عربى ولا يهزّنى واصرخ فى كل المحافل
عزمى ولا ينتنى واكره ضجيج القنابل
لكن فى ساعة الوغى ع الظلم عـدوانى

إن جه فى مرة العدا ويسمم المّيه
أن جه فى مرة ورمى شبكه بارود خـّيه
هيلاقى كل العرب صرخة مدويّة
هيدوق مرار طـعـمهم ولدى وفِرسانى

إن قلت آه بالحيل ألقى العرب تِتلم
إن غدر شفته بليل مليون بلد تهتم
لو الخليل تِشتكى ظُلم الِعدا والهّم
تبقى العرب درعى واتقّوى بإخوانى

لو إيدنا متجمعة تنفع بساعة خطر
الغرب مايهمّنى ولا الوبا المنتظر
ولو فى إيدى حجر هيثور لشـعب اتغدر
أرميه على صهيون وتِسافر أحزانى