أبويا قاللى يابنى صاحب بالين كداب
ربنا قال منها خلقناكم وعودة للتراب
الدنيا فانية وليه الجرى ورا الخراب
المدرس يشرح يقول اللى فى الكتاب
بلا سياسة تبقى على الشيطان غلاب
فوق المنبر بلاش الفلسفة والسياسة
تخلط الدين بغيره آخرة طريقه تعاسة
أسلوب السياسة يبث الزعاف بأنفاسه
ولسان يقول يظهرغير اللى فى راسه
اعرف ليه شيخنا الشعراوى حبه ناسه
الطبيب فى عيادته يتواضع مع العيان
يخاف ربنا يراعى سوء حالة الشقيان
يخفف الفيزيتا مايبقاش فيه نهم طمعان
يكتب روشته ماتخلى المريض حيران
يجيب منين؟ معاشه لسه فى التوهان
كمان بلاش نعمل من نفسنا كلنا خبراء
ربنا قالنا اسألوا أهل الذكر من العلماء
الكلام بلا علم زى صحرا من غير ماء
أهل التخصص كل كلامهم للعقول شفاء
خليك فى تخصصك تلاقيك فوق الذكاء
ياناس بلدنا عايزة من كل واحد أفكاره
نبنى نعلى يجرى الخير بنا فى أنهاره
بلاش يكون رأيك زى خريف وأشجاره
تعرى أخوك وتصفه بالضلال بكل أقواله
ياريت نبص للوطن نصلح كلنا أحواله
كل المخلصين مع الشهداء فى جنات عليه
بلاش النقاش مع بعضنا فى أمورنا بجدلية
النقاش فى حب الوطن بينا زى ليلة قمرية
بعرقنا ننسج طرحة أمنا من خيوط شمسية
تغنى الطيور مع عرقنا ايامنا تبقى ربيعية
أبويا قاللى بلاش تدخل السياسة فى شغلك
إنما لازم تعرف الواجب عليك وكمان حقك
شارك فى اختيار المسئول بذكاءك وصدقك
سيبه يشتغل بعدين نحاسبه زى ماقال جدك
كل دقيقة عمل بجد تحقق أحلامك وسعدك
تعالى نبنى بلاش نبص على اللى فات
ننسى سوا كل دمار بعرقنا نبدد الآهات
فى الفجرية نقول يارب يلبى الدعوات
ندعى يارب مصر احفظها من العثرات
إحنا للسلام والمحبة قدوة لكل القارات
مصر وسطية الإسلام منها لكل الجنسيات
شرحت للعالم ازاى تكون لربنا الصلوات
أزهرها الشريف نوره فوق كل الهامات
ومرجعية الصدق قولا وفعلا فى تطبيقات
نحن بمصرنا فى رباط ورب السماوات
صورة أرشيفية
مشاركة
اضف تعليقاً واقرأ تعليقات القراء
مشاركة
