فيسبوك
واتساب
توته توته توته----- واهى بدأت الحدوتة
صاحت أمريكا قالت ---يا عرب اختاروا موتة
***
أمريكا حشد ت جيوشها---- ولا حد قادر يحوشها
يا ناس الدنيا مالها ------هاجت زادت وحوشها
؟؟؟؟؟؟؟؟؟؟؟؟
إن قلنا بلادنا راحت ---وطالبنا بكل رقة
وخطبنا فى كل محفل--- وعزمنا ع المشقة
نصرخ ونقول يا عالم--- دى قضية مستحقة
المجلس قال موافق--------- قالت أمريكا لأ
؟؟؟؟؟؟؟؟؟؟؟
يااخوانّا الحرب جايّة ---والناس مش مستحية
لا عملنا حساب ليوم ده ---- واحنا وبس الضحية
مين فيكم شال فى شومة----- أو غار وبحِمية ليّه
كام واحد جاب رصاصة-------- ومحضّر بندقية
د الأمريكان غـزونا--- بالشر وبالأذية
؟؟؟؟؟؟؟؟؟؟
يا ناس يا أهل الله قوموا-- واعترضوا ولوتزوموا
دا الغول الأمريكانى -----فاكر اليوم ده يومه
وبيدعم إسرائيل ----ولا حد قادر يلومه
؟؟؟؟؟؟؟؟؟؟
قولوا لأمريكا عـيب --- قولوا لأمريكا عيب
قولوا لأمريكا خافى - ---من يوم أصبح قـريب
إن كانوا كلاب حراسـة---- متسلّحين ب ديب
هم معاهـم صهاينة -------واحنا المولى المجيب
صورة أرشيفية
