عبد الحميد بدوى يكتب: ماذا أضافت الرئاسة لمرسى وللإخوان؟

ماذا أضافت الرئاسة لمرسى وللإخوان؟
حتى يتمسكوا بها
ويظنوا أنها ستبقى إلى آخر الزمان
وفى رواية أخرى
على لسان وزير الدفاع 500 عام
وفى آخر الأمر
قعدتوا سنة
الشعب شاف
على إيديكم الهنا أشكال وألوان
الفقر والجهل والغباء عنوان
وكل حاجة كانت عندنا بالمجان
وعشان كدا كل الشعب
على بعدكم ندمان
أصلا الناس كلها
بتموت فى حاجة إسمها إخوان


وشعبيتكم دايما فى زيادة
عشان كدا كل أما أكلم حد
يقولى دول عايزين ابادة
وأنتم بتقولوا يالنصر يالشهادة
والله أنا مكسوفلكم
وعلى رأيكم
الشعب بيحب البيادة
بس المهم شربنا
على تنظيمكم وعلى جماعتكم قهوة سادة
أنا عندى سؤال
هو أنتم ليه دايما
ما بتسمعوش ولا بتشفوش
غير نفسكم فين عقلكم؟ ؟؟؟
ضعيتوا نفسكم بنفسكم
فيها أية لو مرسى قال
طز فى الكرسى
هو يعنى الكرسى أية عملكم؟؟؟؟
كل اللى ماتوا الله يرحمهم
بسبب جهلكم

وللاسف كل أما حد يكلمهم
يقولوا الاعلام
أنا راضى ضميركم
بالذمة ده أسمه كلام
ولسه بتتكلموا عن الانقلاب
طيب هو فين الانقلاب؟ ؟
طيب والناس والشعب
اللى نزل بالملايين
دول مش محسوبين
ولا دول مش مصريين
طيب والكهربة والسولار والبنزين
والجملة الشهيرة اللى سمعتها
الف مليون مرة
من كل الغلابة والفلاحين
الله يخرب بيتك يامرسى
هاتروح من ربنا فين
ودعوتهم استجابت
وعمر المصريين الغلابة
دعوتهم ما خابت
لانهم هما اللى كانوا
شايلين الطين
وحصل اللى عمره ما خطر على بالك
ما أنت كل أما حاجة تحصل بتحشد رجالك
ورغم كل ده الشعب شالك
مع أن مبارك كان قدامك
كان نفسى تتحمى فى الشعب
مش فى أهلك وعشيرتك واخوانك
أقول أية الله يرحم آيامك
قضيت على نفسك وجماعتك وأعوانك
المفروض كمان تعتذر للشعب اللى أختارك