فيسبوك
واتساب
الشعب قال كلمته
وبقاله درع وسيف
لا جبن هيسكته
ولا انكسار ولا خوف
قومى بقه يا بلدى
زمن المذلة راح
انسى الهموم خطى
خلى الشهيد يرتاح
لما يشوف بلده
رجعت لمجد زمان
واقفة فى وسط الكبار
وحاجزة ليها مكان
والله دا إحنا شداد
حتى اسألوا الأجداد
رمسيس وحتشبسوت
آن الأوان يا أولاد
نرجع الأمجاد
ويبقى لينا وجود
أحمد فى إيد مينا
حالفين ليبنوها
ويقدموها لينا
مصر اللى حبوها
شارك وقول كلمتك
زمن السكوت انتهى
ورينا بقى همتك
صدقنى جا وقتها
بلدك فى حاجة إليك
ولكل نقطة عرق
أملنا فيها وفيك
ترجعوا اللى اتسرق
والعدل يرجع يسود
ونعيش حياة كريمة
وأشوفها قبل ما أموت
ليها شأن وعظيمة
صورة أرشيفية
