مايسة مسعود تكتب: مصر فاض بيها

مصر فاض بيها يا ناس وشعبها سف التراب، والكل ماشى عكس بعض وبننهش فى روحنا زى بعض، والجوع والإهمال قتلنا ولسا فى جوع مصر فاض بيها ياناس وشعبها سف التراب.

صرخت مصر " ولادى فين إيه جرالهم وماتوا ليه واللى خانوا خانونى ليه ".

إبنى اللى ع الحدود حارس أرضى وهو صايم غدروا به إبنى اللى ثار على الظلم وإنفطر قلبى عليه.

ابنى اللى طمع فى الكرسى وبعنى وقتل إخواته. إبنى اللى أحلامه إتسرقت وعاش أسير فى سجون وصوته كان مكتوم.

ولادى حبسوا الحق بينهم وتاهت الرحمة بينهم إزاى ندوس على بعضنا. ليه سيوفكم فى وش بعض وتروى الارض بدمكم ليه المصير يتحدد بالدم وهانت عليكم الروح وتناسيتوا الدين وبقيتوا مش فاهمين.

مصر فاض بيها يا ناس.