سيد أحمد الهمشرى يكتب: الرئيس المخلوع

قولوا لمعالى الرئيس إللى صبح مخلــــــــوع
سبناك تاخد فرصتك حاكم سنة وأسبــــــــوع
حكمتنا حضرتك من مكتب الإرشــــــــــــــاد
زودت فقر الفقير لما وصل للجــــــــــــــــوع
. . . ...
كرّهت فيك الشباب وجنيت على الثــــــــورة
خليت جموع البلد عايزاك تغور بـــــــــــــرة
خدعك (بديع والكتاتنى وسعد والعريــــــــان)
و(الشاطر) اللى هرانا كذب ومنــــــــــــاورة
. . . ...
مع السفيرة قعد يكتب عقود سينــــــــــــــــاء
وبأذن من حضرتك باع واشترى فينـــــــــــا
وجاب مليشيات لضرب الشعب من بـــــــرة
وفوق كمان دا ودا اسودت ليالينــــــــــــــــــا
. . . ...
شويه فيك تانى ترجع تدخل الزنازيـــــــــــن
مع (الكتاتنى وصفوت) وإللى ما أعرف مين
و(أبو إسماعيل) ينجلد فى اليوم سبع مـــرات
علشان بدقنه خدع الجهلة والمساكيـــــــــــــن
. . . ...
ندر عليا لو ألمح حد من الإخــــــــــــــــــوان
لا أقوله حكم الوطن محتاج رجال فرســــــان
ممنوع عليهم كمان يتمحكوا فى الديــــــــــــن
ممنوع كمان يعرفوا (البلتاجى والعريـــــــان)
. . . ...