أحس فيه بطعم الآمـان
وأشوف على وجوه البشر
بتترسم بسمة أمـل
مدفيين جوه العلـم
بدل مايتلفوا فـ كفـن
نفسى فـ وطـن
مافهوش مكان للفزلكـه
وكتر الكـلام
مافهوش مجال للهرتلـه
للفبركة للمحلسة للمصلحه
ولا فيه خيانة ولاانتقـام
ولا فيه عقول صابها العفن
نفسى فـ وطـن
فيه الايدين متشبـتكه
وقلوب بتحلم طـيـبه
بتبنى فيه ولا تهدمـه
بتجمله ولاتخربـه
رافعين فيه راسنا للسما
ولجله نتحدى الزمـن
نفسى فـ وطـن
لما انكسـر
يحضنى ويطبطب عليا
لما انهـزم
مايشمتشى فيـا
يمد ايده يشدنـي
من كبوتى ويعزني
ويحبنـي
من غير مقابل او تمن
نفسى فـ وطـن
فيه الزعيم المنتظر
اللى يجمع شملنـا
اللى نحس بجد انه
واحد منـنا
عايش ألمنا وفرحنا
لا يشتغلنا ولا يتاجر
يوم بديـنا
يشاركنا مرة فى حلمنا
يكون له طله تسرنا
مايكنش اهطل او قرن
نفسى فـ وطـن
نفسى فـ وطـن
فيه كل واحـد
يبدى رأيه بدون تطاول
ينقذنى من حالة الكآبـه
يرمينى فى بحر التفاؤل
أدخل على أجدع كمين
وانا مطمئن على يقين
إنى لاهاخد علـ القفا
ولاهتسجـن
نفسى فـ وطـن
ما بينحنيـش
لا معونه فارقه معاه
ولا أردوغان ايـاه
ولا حفنه مـ الدولارات
لا دينار ولا ريالات
ولا كل تفكيره فـ مزة
وسجارتين حشيـش
جامد وبيخطى المحن
نفسى فـ وطـن
فيه حرمه للدم بصحيـح
وناس تخاف من ربنـا
ميهمهاش كرسى يضيـع
يهمها اللى يهمـنا
كفياك بقه وافهم ياشيـخ
وسيبلى فرصه جايز اسامحك
كفياك بقه كتاب التاريـخ
مفهوش مكان تانى لجرايمك
وبيبكى دم من الألـم
نفسى فـ وطـن
علم مصر
مشاركة
اضف تعليقاً واقرأ تعليقات القراء
مشاركة
اضف تعليق
تم أضافة تعليقك سوف يظهر بعد المراجعة
عدد الردود 0
بواسطة:
المتفائل
سلمت يداك
عدد الردود 0
بواسطة:
المتفائل
سلمت يداك
عدد الردود 0
بواسطة:
الثورجي
شكرا
عدد الردود 0
بواسطة:
الاستاذ/ أيمن السعيد
تعليق على القصيدة
عدد الردود 0
بواسطة:
ابو فيروز
ملكنا هذه الدنيا قرونا
عدد الردود 0
بواسطة:
ابو فيروز
ملكنا هذه الدنيا قرونا
عدد الردود 0
بواسطة:
مصرية بتحب بلدها اوى
الحقيقة
عدد الردود 0
بواسطة:
ناجي الغيطي
اشكركم
اشكركم على هذا الكلام الرائع والتعليقات البناءة
عدد الردود 0
بواسطة:
ناجي الغيطي
اشكركم
اشكركم على هذا الكلام الرائع والتعليقات البناءة