محمد حامد حسين يكتب: ولدى ..!!

ولدي ضيعت عمري عليه
كان كل أملي أرضيه
حسرة قلب عليك
يا حتة من كبدي

ولدي ..!!
يا سندي في الدنيا
بعدك حياتي فانية
الغدر أهو طالك
روحت أهو في ثانية

ولدي ..!!
بعدك هأعيش في عذاب
صورتك تمللي في بالي
راموك علي التراب
وأنت اللي ياما طلبت
خدمتي وبلدي

ولدي ..!!
مين فيك يعزيني
ياريتني أنا مكانك
قلبي بيتقطع
فراقك علي عيني

ولدي ..!!
طول عمري فرحانة بيك
للجنة أهو رايح
ربنا يصبرني
يرضي الرحمن عليك

ولدي ..!!
كان ليا الهوا والضلة
مين غيره هايطل عليا
تحرم فرحتي من بعدك
دمعتي هاتبات في عينيا

ولدي ..!!
شايفة الملايكة أهي شايلاه
واهو راح في سبيل الله
ولاتسوي الدنيا من بعدك
وفي قلبي مليون أه

يارب صبرني
علي فراقه قدرني
كلامه في وداني
أدعيللي قوي يا ماما
أرجع لكٍِ بسلامة
بس ده مكتوب عليا
وبعده يكسرني
يارب صبرني