ألو.. ألو
مين معايا؟
ايوه يامه
انا ابنك سمير
انا راجع بكر ه
هاقضي معاكوا
العيد الكبير
خلصت الجيش
انا راجع ازرع
واقلع واخبز
لقمة عيش
كلمتي الحاجه
ام سهير؟
علشان اتجوز
وانا والبت
معاكي نعيش
وهاخلف 6 عيال
يملولنا الدار
يزرعوا في الارض
معايا خضار
نتونس بيهم
يملوا حياتنا
وادارنت هزار
هاستني يا ولدي
اياك متجيش
هاستني رجعوك
ليا يا واد
علي جمر النار
راح اجهز ليك
العسل الابيض
ويا فطير
يا سمير
ماترد يا واد
يا اخوانا الواد
ساكت كده ليه
انا سامعه رصاص
مضروب حواليه
الواد كده مات
انا ولدي مامتش
يا سمير
يا سمير
يا سمير
أرشيفية
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة