لو هتسألنى أيه رأيى
مستحيل دى تنفعك
لو هقولّك حاجة تانية
أبقى بكدب وأخدعك.
إنتو مختلفين يا صاحبى
دا انتو يمكن عكس بعض
مش هجامل مش هخبّى
صعب يوم تبقوا لبعض.
أيوه فى إعجاب ما بينكم
بس إعجاب بالملامح
بس لما نشوف صفاتكم
نلقى فرق كبير وواضح.
لما دى هتعيش معاها
لازم الخلافات هتحصل
إللى فى هواك مش هواها
والحياة بينكم هتفشل.
إنت بتقول راح تغيّر
من سلوكها ومن عاداتها
بس هل هيه هتقدر
إنها تقلب حياتها؟
عارف إن ما بينكو حب
دية نقطة فى اعتبارى
بس أحياناً نحب
ويكون البُعد اضطرارى.
فى احتمال وارد بجد
حبكم بينكم يقرّب
بس قبل خطوة جد
اختبرها كتير وجرّب.
ده كلامى واللى عندى
سألتنى وأنا قلتهولك
ربنا يوفَق يا صاحبى
كل خير بتمنهولك.
صورة أرشيفية
مشاركة
اضف تعليقاً واقرأ تعليقات القراء
مشاركة
اضف تعليق
تم أضافة تعليقك سوف يظهر بعد المراجعة
عدد الردود 0
بواسطة:
Rere
جميله بجد
جميييييييله اووووووى
استمر
عدد الردود 0
بواسطة:
مروه
بس أحياناً نحب ويكون البُعد اضطرارى - ربنا يوفَق يا صاحبى كل خير بتمنهولك
استمر و توغل و الله جميلة جداً كفايه انها صريحه
عدد الردود 0
بواسطة:
Ali
الحب الصادق