محمد حامد حسين يكتب: ولدى. .!!

ولدى ضيعت عمرى عليه
كان كل أملى أرضيه
حسرة قلب عليك
يا حتة من كبدى

ولدى. .!!
يا سندى فى الدنيا
بعدك حياتى فانية
الغدر أهو طالك
روحت أهو فى ثانية

ولدى. .!!
بعدك هأعيش فى عذاب
صورتك تكللى فى بالى
راموك على التراب
وأنت إللى ياما طلبت
خدمتى وبلدى

ولدى. .!!
مين فيك يعزينى
ياريتنى أنا مكانك
قلبى بيتقطع
فراقك على عينى

ولدى. .!!
طول عمرى فرحانة بيك
للجنة أهو رايح
ربنا يصبرنى
يرضى الرحمن عليك

ولدى. .!!
كان ليا الهوا والضلة
مين غيره هايطل عليا
تحرم فرحتى من بعدك
دمعتى هاتبات فى عينيا

ولدى. .!!
شايفة الملايكة أهى شايلاه
وأهو راح فى سبيل الله
ولا تسوى الدنيا من بعدك
وفى قلبى مليون آه

يارب صبرنى
على فراقه قدرنى
كلامه فى ودانى
أدعيللى قوى يا ماما
أرجع لكٍِ بسلامة
بس ده مكتوب عليا
وبعده يكسرنى
يارب صبرنى