فيسبوك
واتساب
بابايا ف قسم كرداسة
بيحمى الأمن ف حراسة
عشان الناس تنام آمنة
كإن الشمعة ونّاسة
خرج للشغل قام باسني
وخدنى ف حضنه ونّسنى
وقاللى كبرت يا راجل
ضغطنى ف صدره حسسنى
أنا لسه سنين خضرة
ويوم الجمعة نتفسح
كفاية العيد ما عيِّدتش
بإذن الله راح أفرح
إيدين الغدر خطَّافة
بحقد الدنيا تتوصّى
هجوم كاسح على الشرطة
فى حلقى خلاص بقت غصة
تفكرنى بسادات واقع
فى وسط جنوده ف منصَّة
ما تقفل يلة كرَّاسة
ستارة ونازلة يا حصّة
يا أمى خلاص ولا دمعة
وهدفن حزنى جوايا
يقولوا يا أمى إسلامنا
وقتل أبويا إسلامى؟
دا إرهابى وبيكبر
وبيدخن رصاص أغبر
ومتوضى عشان يقتل
مربى الدقن قال منظر!!!
صورة أرشيفية
