هل الكرسى
يا عم مرسى
يستاهل منك
كل اللى حاصل؟
قلت أسيب
طلعت ديب
وعشان كرسى
كسَّرت المفاصل !!
سنة معاك
ماشيين وراك
تقتلنا إحنا
وانت تكبس فى الحواصل !!
تصاحب أوباما
والبنت ليفنى
لابمبة تضرب
ولا للقدس ناصر !!
عاملى زاهد،
مؤمن وعابد
وتحرق وتضرب
من كل جانب !!
تنفذ أوامر
صهيون مغامر
عمايل سودة
يرفضها غافل
وأنت تدبر
كل اللى حاصل !!
تحرق كنايس
وتعملى هايص
زى التتار
فى الشر واصل !!
تفرح بالدم ،
وتصهلل ياعم
الظاهر انت
فى مخك فواصل !!
لا بترحم ناس
ولا فيه إحساس
يخليك تضحى
فى السلطة مرة
حقناً لدم البشر يا فاشل !!
فين هو نبلك
دا حسنى قبلك
ساب الكرسى
حفاظاً عليها
أما أنت
ف ليه متبِّت
رغم اللى جارى واللى حاصل ؟!
هو ربك
يرضيه كده
خوف يطوف
وصراخ ونده
ودم يغرِّق نار الشوارع
وانت يا مرسى
تكلبش فى الكرسى
زى بلطجى عامل مناضل؟
