عبد الحميد بدوى يكتب.. أخويا فى رابعة وأنا فى التحرير

أخويا فى رابعة
وأنا فى التحرير
خلاص البلد
اتقسمت على أيديك
يا مرسى وبقينا فريقين
شوف كنا فين
وبقينا دلوقتى فين
وعايز تكمل قال أربع سنين
يا راجل دا كان كفاية عليك قوى شهرين
أخويا بيكدبنى
وبيقولى أنتم كلكم منافقين
أنتم كدا هاترجعوا
النظام القديم
قولتله ما تخفش
اللى بيروح ما بيرجعش
وبعدين مين اللى هايرجع مين؟
وأنتم فى رابعة ليه قاعدين؟
عايزين مرسى يرجع
طيب أنا راضى ضميرك
هايرجع فين ؟؟؟؟؟
ومصر كلها نزلت الميادين
ياترى شوفت الملايين ؟؟؟
بجد حاجة تفرح القلب الحزين
وبعدين هو خلاص رجع
وبقى على قائمة المساجين
وأذا حصلت المعجزة ورجع مرسى رئيس
يبقى يحكم أى حد تانى غير المصريين
أحنا مش ناقصين
المصريين نفسهم كرهوا نفسهم
وكانت أيامه طين
ولا ميه ولا كهربة ولا سولار ولا بنزين
أنا عن نفسى ما بفتكرش
مرسى الا لما الكهربة تقطع
مع أنها لم بتقطع ما بتغبش دقيقتين
الناس كلها عرفت أنكم كدابين
الا ليه أنتم ما بتلموش نفسكم
دا أنتم حرقتوا دم الشعب
وربنا أهو حرق دمكم
الناس كلها بقت ضدكم
وخلاص أنتهى أمركم
ولسه جاى تقول انك معاك الحق والشرعية
ومفهوم الديمقراطية
فى العالم كله هى ديمقراطية الصناديق
قولتله فاكر فاكر يا سعيد لما كنت مع مرسى
أكتر منك ضد شفيق
بس المشكلة أن مرسى كان ضد نفسه
ونام فى حضن جماعته ذليل
قلى هات دليل
قولتله هو فيه أكتر من اللى أحنا فيه دليل
وبعدين ما تقوليش أن ده أنقلاب ولا مؤمراة
كل اللى بيحصل تصحيح لمسار الثورة
ولازم تعرف أن مصر
أكبر من أى جماعة وأى فصيل