فيسبوك
واتساب
قالها عمّى بعد جدّى-------مهما تشتدى تعدّى
ارسموا فى الحلم وردى----بالأمل ياأزمة هدّى
شعبنا شعب الجيوش
ماتخافوش
********
هى أزمة زى غيرها----تنتهى حتما مسيرها
سرّها غارق فى بيرها---ربنا كاتب مصيرها
إسألوا المولى يحوش
ماتخافوش
********
مصرنا بالخير هترجع----منقلة وإيمان ومدفع
والهرم بالنيل هيرفع--مصر تبقى فوق و أروع
تنهزم كل الوحوش
ماتخافوش
*********
بكره يرجع بالآمان------خيرنا يكبر فى الغيطان
والسلام ويّا الحنان---------إرجعى أمجاد زمان
وابتسامة فى الوشوش
ماتخافوش
ماتخافوش
صورة أرشيفية
