"تمرد": "ماعندناش خناقة غير الدستور ومش هاندخل خناقة المحافظين"

قال محمود بدر، منسق حملة تمرد: "هو أنا وﻻ أى حد من تمرد اتمسك متلبس فى منصب حكومى ومسئول عن اختيار المحافظين وﻻ حتى احنا قدمنا ترشيحات".

وتساءل بدر فى تغريدات على تويتر: "هو فين القوى السياسية العظيمة؟ هو انتوا نسيتوا إن تمرد دى حركة سياسية الناس استجابت ليها فى ظرف محدد؟.. عايزين تلبسوها بقى كل حاجة ليه؟".

واستطرد: "مهم كمان أقولكم إن خناقة المحافظين دى مش هدخلها من الآخر مع إنى رافضها معنديش خناقة غير خناقة الدستور.. دستور جديد يليق بالبلد".

وأضاف: "اللى عايز يدخل الخناقة بتاعة المحافظين المؤقتين دول يدخل ولو عايز مساعدة يقولى إزاى.. بس أنا بقى خناقة الدستور عندى هى المهمة مش عاجبك سامى سيدهم.. مش عاجبنى أنا كمان.. بس ياريت تقولوا للقوى المدنية تتفق وتجيب حكومة وبرلمان محترم يمشى سامى سيدهم المؤقت ويحاكمه".