إيمان الخشاب تكتب: شكرا لكل إخوانى

شكراً لكل إخوانى نزل رابعة و رمسيس و فى كل المحافظات و قطع الطرق....شكراً لكل إخوانى ساعد فى إثارة الفتنة..شكراً عشان خليت اللى يسوا واللى ما يسواش يتكلم عن أمور تخص مصر...شكراً عشان شوّهت صورة الدين الإسلامى و نفّرت الناس منه..شكراً عشان شوّهت صورة مصر..شكراً عشان وقفت حال البلد وماحدش عارف يشتغل ولا ينتج وحتى مقصرين فى حال الناس الغلابة اللى ظلمتوهم معانا..شكراً عشان بتشكّك فى أخوك المسلم و بتخسره عشان بنى آدم اسمه مرسى..شكراً عشان عرفنا أد ايه أنت ماعندكش رحمة..شكراً عشان أنت بتنفذ كل حاجة قالها ديننا..شكراً عشان بتقابل الإساءة و حتى الإحسان بالإساءة...شكراً عشان أنت مش بتغير على بلدك وبتشمّت فينا أعداءنا...شكرا عشان خليتنا نخاف نعيش فى بلدنا و اللى كان عنده ذرة أمل وحب ليها راحت..شكراً عشان اللى مش بيتفق معاك بتعتبره جاهل و بتهاجمه و بتطلّع الوش التانى بتاعك.. شكرا عشان كنا فاكرين الإخوان قدوتنا اللى نلجأ لهم فى أمور ديننا و حياتنا و بقينا احنا اللى عايزين ننصحهم و نرشدهم للصواب. شكراً عشان أنت فاهم الدين على مزاجك و كفّرتنا كمان..شكراً عشان أنت إخوانى..شكرا عشان خلتنا نعرف نفهمكوا و تبانوا على حقيقتكوا كويس أوى و عرفنا أد إيه لازم نشكر ربنا على نعمة العقل..مش شكراً عشان بتحاول توصّل للناس انك رمز لمصر..مش شكراً لانك بتحاول توصل للناس إنك رمز للإسلام.