أوباما عندنا زعماء ياما
إهدى كدة واعقل
يا إما مع السلامة
الثورة ثورة شعبية
واضحة جداً يا عنيا
لو عاوزها إخوانية
يبقى عليك الملامة
السفيرة مش مرغوبة
طوبة وف وشها أوبه
بتدور على سبوبة
هدخلها فى دوامة
نرجع بقى للزعماء
م إحنا بتوع الزعماء
لو كنت من القراء
هتعرف إننا عَلاًمة
عرابى شوف قال إيه
من فوق المُهر يا بيه
ولا همه إبن الإيه
زعيم كان عنده كرامة
مصطفى كامل مات شاب
أصغر أمهر أجمل ومهاب
بشياكتة وثقافتة سحرالألباب
إزاى مش عارفة يا أوباما
محمد فريد وعديد منهم
سعد والنحاس وسراجهم
وجمال والسادات كايدهم
مين والا مين دوول ياما
إعقل يا إوباما وإلزم حدك
محناش لمامة وحياة جدك
دا إحنا تاريخ وياشيخ بدك
تقرا وتفهم وترجع للبجامة
يا باراك حسين أوباما
-----------------------
أوباما
مشاركة
اضف تعليقاً واقرأ تعليقات القراء
مشاركة
