نصر سليمان محمد يكتب: عظيمة يا مصر

شمس النهاردة غير أى يوم.. شمس صافية ما فيهاش غيوم.. شمس دافية ذهبية.. شمس يوم الحرية.. وليلك يا مصر قمره كامل من غير نجوم.. نورك سطع يا بلادى وحجب ظلام وهموم..

مصرأم الدنيا، تعلم الملايين، وكل ما يقولوا ماتت وينصبوا الصواوين، تنفض ترابها ومارد يصرخ فى الميادين، أبية وعفية وأولادها حواليها كتير، الله أكبر عليهم من حسد العيون، هى دى مصر، "عبدالناصر"، "السادات"، وقبلهم "صلاح الدين"، و"السيسى" على الطريق.. والشعب معاه ملايين.

أزهر وكنيسة وقلوب نظيفة وشباب طاهر وحلم كبير، جيش ويا شعب إيد واحدة فى حضن كبير، رافعين راية بلدهم فى كل الميادين، هما دول أهلك يا مصر الطيبين، أب صالح يصلى الفجر فى الجامع ركعتين، وماسك فى أيده أولاده الاثنين، والأم فى البيت تجهز لهم فطور، وشنطة كتب مدارس، وبعد صباح الخير، تدعى رافعة أيديها يرجعوا سالمين.

ومساجد كتير وآذان فى كل مكان، وناس تصلى وتدعى للرحمن، وإيمان وسماحة دين وأزهر شريف وميدان، وكنائس تدق أجراسها مذكورة فى القرآن، هى دى مصر بلدنا رمانة الميزان، قلب العروبة النابض والعالم حواليها غيلان، وسماها ما يسكنها يوم بوم أو غربان، وأن يوم عششوا فى شجرها مسيرهم النسيان.

قومى يا مصرعفية دا ولادك فى الميدان، شهدا يموتوا فداكى لجل ما تعيشى ويقضوا على الطغيان.

يا مصرعلمتينا وزرعتى جوانا خير وإيمان، وكل دخيل علينا مسيره خبر كان، أنسى خفافيش ظلام سودت علينا نهار، ونشرت سموم وضغون وفرقت إخوان.

ثورى يا مصر قوية عملاق مابين أقزام، إبهار للعالم ودروس من الميدان، منارة لأهل الكون، وشمس فى فلكها تدور بلدان.

عظيمة يا مصر، وتاريخ حفره الزمان، أشهد وأحلف أنك أعظم البلدان، وجنودك "خير أجناد الأرض"، وفيكى نزل قرآن، وكل من دخلك آمن "ادخلوا مصر إن شاء الله آمنين"..