فيسبوك
واتساب
يا ورد طارح بين خلايا الروح
جرّب وعاند وارفض المسموح
والعن شيطان السكّه واتمرّد
وجعك طموح وإيديك سفينة نوح
********
حقيقي يا مصر شيء يفجر
نشيل بالدمّ ميت فاجر
يقوم يحكمنا ناس أفجر
********
القصاص قبل الرحيل
القصاص علشان يصدّق
إنه كان شغّال عميل
وانّ صرخة مصر مدفع
وانّ ضحكة مصر نيل
وانّنا الشعب اللي يقدر
ينتصر ع المستحيل
*****
مصر ف جميع المدن
ضد العته والخوف
ضدّ اللي زايد عليها وأنكر المعروف
مصر ف جميع المداين بالحرير والصوف
رافضاك ورافضه اللي عبّى الدّم في المولوتوف
مصر ف جميع المدن
ضدّك وضد الخوف
وان كان في وشّك شنب
انزل وشوف يا ....
********
القصاص قبل الرحيل
القصاص علشان يصدّق
إنه كان شغّال عميل
وانّ صرخة مصر مدفع
وانّ ضحكة مصر نيل
وانّنا الشعب اللي يقدر
ينتصر ع المستحيل
سعيد شحاتة
