نقطة دم..
دمعة أم..
صرخة عيل اتيتم
ومين يهتم..
يا خال.. يا عم
قلوب عمية.. ولا بترحم
مفيش إحساس بقى فينا
كلامنا رصاص.. قتل فينا
وضعنا خلاص ومين فينا
يقول الحق.. يتكلم
***
يا صاحبى ليه بترفضنى
تهدنى ليه.. وأنا ببنى
واقربلك.. بتبعدنى
وتجلدنى عشان بحلم
***
أنا مش عارف اتنفس
أنا مخنوق.. أنا بيأس
أنا الإنسان.. وليه أرخص
وأنا فى الأصل متكرم
صورة ارشيفية
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة