فيسبوك
واتساب
أنا النيل.. وزعلان
زعلان منكم يا مصريين
مش حاسين
يا ثورجية..يا وطنيين
يا مؤيدين..يا معارضين
أنا بكرة مش جاى
عشان فى قحط
وشيل الطين
أفتحوا كتب التاريخ
كلام صحيح
هايقول لكم على الجفاف
ما الكل شاف
وأنا حقى فين
أيه..دلوقتى الكل خاف
أسألوا الجبرتى
يقول حكايتى
أنا النيل
أنا الحياة
مشوار طويل
مش سد واحد
أربع سدود
حقى فين
فين الوعود
أنا هاضيع
ومافيش ربيع
ودى كدبة
كفاية أونطة
اللى جاى ورطة
أعملوا حاجة
أتسرفوا
مش بالكلام
ولا تحلفوا
فى جفاف. .بكرة تعرفوا
أنا النيل. .وزعلان
نهر النيل
