فيسبوك
واتساب
كِلمِة حق وقالها رسولنا------عنكم جند الله ونسورنا
فخر ونصر يافرحة دورنا------نعم الشاهد بعده مفيش
يحيا الشعب ويحيا الجيش
*****
اللّى ف حرب اكتوبر عدّا------واللّى بيدفع عنّا الشِدّة
ساعة الجد بيرعد رعدة----واللّى يضحّوا لاجل نعيش
يحيا الشعب ويحيا الجيش
*****
دِرع الشعب وزنده وجاهه---روحه وعقله وكل متاعه
هو الهازم لأليخماهو------راعى الصبية مع الدراويش
يحيا الشعب ويحيا الجيش
*****
حرر بلدى من العبودية-------واسألوا سينا هتشهد هيّا
منحة ربّى وأغلى عطيّة—---حامى بلدنا من التهميش
يحيا الشعب ويحيا الجيش
*****
ليه الدم يسيل وسطينا------والمجروح دايماً أهالينا
لمّا القدس تنادى علينا------مين هيخلّص م التفتيش
يحيا الشعب ويحيا الجيش
*****
جُند بلدنا جنود أحرار------ عاشقين مصر بليل ونهار
فيهم ولدك واهل الدار-----همّا عماد وصلاح وعليش
يحيا الشعب ويحيا الجيش
*******
اللى يهينكم مش منّينا------ولاشارب من نيل أهالينا
ولاحابب ولا قلبه علينا-----ولاطايق مطروح وعريش
يحيا الشعب ويحيا الجيش
الجيش - صورة أرشيفية
