اثبت ورتب تـــــانى أوراقــــك
إجمد وحـاصر بالعنـــــاد دائك
البوم هيهـرب لمـا ييجى النور
وهتفضل انت وسرب عشاقك
اثبت كمــــا ثبتوا اللى حبــوها
وف نن عينهم يامـــــا خبـوها
من اللى نهشوا فيها وسابوها
وبيخلطوا ســـــمومهم بترياقك
إثبت مافيش غيـرك حكّمْ ولاسيد
فوكك من اللى عاشوا عمــر عبيد
انت اللى عنــدك كل لحظة جـديد
وانت الوحيـــد البــاقى ف سباقك
إثبت وسيطـر تانى ع المشهـد
خلى الغريب قبل القريب يشهد
ان اللى كــرهك جاله يوم واتهـد
وان اللى حبَّـك صونته بوفـــائك
فيه كبر يــوم ربك حمــاه وعلاه؟ !
إثبت ثبــــــات اللى اعتصم بالله
اللى بيرمى حمـوله على مولاه
واحذر تكـــون صيد سهل لريائك
اثبت.
