فيسبوك
واتساب
مصر فى دم المصريين
من مطروح لحدود شلاتين
مصر تجمّع ماتفرّقشى
وتكون لينا وطن وعرين
******
مصر عظيمة بكل أطيافها
ترسم بسمة خير لضيوفها
مصر الدين الوسطى نشوفها
مع أزهرها ليوم الدين
******
لازم تفرح مع أفراحها
ماتخلّيش إيدك تجرحها
فى القرآن مذكورة وشرحها
المولى رب العالمين
******
يبقى ولاءك دايما ليها
إوعى تخونها أو تعاديها
وتنزّل دمعها بعينيها
أو ترهب رامز وحسين
******
مصر النيل وبحور وشراعها
ومصانع بتلاغى زروعها
مصر الناس وجنودها دروعها
لا تفرّط فيها ولا تهين
******
مصر العِلم مع الإيمان
والأمجاد سجّل يا زمان
أهرامها والأقصر تبيان
وحضارة تسرّ الناظرين
******
صورة أرشيفية
