سامح لطف الله يكتب: إنت هتشيل الخسارة

ليه ف رابعة لزقتوا فيها؟
هى عاجباكوا الإشارة؟
اكتشفتوا فيها منجم؟
أو دهب جوة المغارة؟
ع المنصة كلامكو مرعب
مين هيفهم العبارة؟
كات ف إيدكو لقمة حلوة
عايزة جرأة والمهارة
سبتوا مرشد للسفينة
مافى خبرة أو شطارة
جوة مركب قال بينخر
لما تغرق ميت خسارة
كات ف ايدك ليه بتندم؟
تيجى متخفى ف خمارة
واللى يلبس قال بلوزة
واللى جاى راكب حمارة
والسلاح ف إيديكو يرهب
تضربوا الجيش بالإشارة
صبرنا ما عادله باقي
واتفقع منا المرارة
بغد عز وملك باسط
ترضوا قعدة ف الإشارة؟
وقت جد عصام يروَّح
والبديع يلبس خماره
والحجازى يلم صوته
يختفى فيلم الجسارة
والخسارة عليك يامصرى
إنت هتشيل الخسارة