فيسبوك
واتساب
إنتى التاريخ اللى انكتب حروفه نور
إنتى أم الدنيا يابلدى ومع كل الأمم كان ليكِ دور
وسطور حضارتك بالكفاح والعرق خلاص انكتب
كام ألف عام واحنا بنحفره بمية دهب
بحضارة كان ليها العجب
كنتى ودايما حتفضلى إنتى الملاذ للمحرومين
طوق النجاه للحيرانين
حصن الأمان طول السنين
من كتر ماسمعت كلام مابين كده وبين كده
دلوقتى إيه ماعرفش ليه خايف قوى بالشكل ده
يمكن عشان الطماعين والطمعانين
واللى بيحلموا بالسلطه تكون لهم من عشرات السنين
واللى مايعرفوش غير طاعه ومعاها كلمة أمي
واللى يوماتى بألف وش
غدر وخيانة مكر وغش
وبكل لون متلونين
من حقى اخاف منهم واكش
لما أبص كل يوم القى بلدى هايدبحوها السفاحين
بحلم يا بلدى ترجعى مصر القوية
وتعيشى لينا وتفضلى دايما أبية
ونفضل نهتف والدنيا كلها تهتف بلادى
تعيشى طول العمر لولادى وولاد ولادى
صورة أرشيفية
