فيسبوك
واتساب
لسه فيه خير ف البلـد دى
لســـــــه فيهـــا نبض حى
لســــه قــــادرة ع التحدى
فى العـــناد ماليهـــــــا زى
لســــــه رغم الضيق بتدى
لسه فيه ف سماهـــا ضى
خـــد بايدهـــا عشان تعدى
وضمهـــــا بروحــك ياخيْ
لسه فيه خير فى البلد دى
لســه فيهــــــــا نبض حى
لسة فيه إحســـاس مفـرّح
قلب نـــازل ف المظــاهرة
لسه قـــادرة الثورة تطرح
كل ثــــانية ألـــف زهــــرة
لسه برضه ف كل مطــرح
فيه براءة صـــدق ظــاهرة
لسه فيـه ف ضمير ولادها
حلــــــم عينـه ع اللى جى
لسه فيه خير فى البلد دى
لســه فيهــــــــا نبض حى
لسه جمــر الثــورة والــع
دفوا برد الـروح وقـــوموا
نادوا ع الفجــر اللى طالع
وبهتافكـــم صحـــوا نومه
مصــــر أكبـر م المواجــع
والنهـــار هيزيح غيومــه
والجــــــراح حتمـــاً هتدبل
حتى لـــــو يلـزملهــــا كى
لسه فيه خير ف البلـد دى
لســه فيهــــــــا نبض حىْ
أشرف الشافعى
