روحية أبوغالى تكتب: مصر مهرة أصيلة وفينك يا خيال

خيال يكون فارس الفرسان
مش حرامى ولا علمانى ولا حتى من الإخوان
صوته عالى فى الحق يقول للظلم لا
يخلى المهرة تبكى بكى من الفرحة
ما يخلى فى عيونها نظرة ذل أو هوان
ما يقول مجرد كلام
ولا يعيشنا فى الأوهام
ما تكون بالنسبة له تكية
دا هيا الحرة الأبية وهى الزاد والميه
خيال يكون إنسان
يوهب عشانها حياته كمان
كان نفسى يا أمى أخليكى أميرة البلدان
وأضمك وأنا ببكى من الفرحة اللى وحشانى أقول تانى
ما هو أنتى أمى يا بلادى ومين يتحمل دمعه فى عيون أمه
يفديها بروحه وبدمه
ما هى ياما فى ضعفه كانت سنده وشالت يا ولاد كمان همه
حزينة عليكى يا بلدى بجد أسفة يا أمى.

بس بصى لسه حاسة أن الأمل يا حبيبتى جاى بكره حنستنا وبالوحدة واللمة حنفديكى حنحميكى ونخليكى يا قمرة أجمل البلدان
أيوة قومى وانهضى والهموم عنك انفضى
شعبك عظيم صبر على ألوان الظلم كتير
يا أمى وأى سبق حتدخليه ايا كان الزمان والمكان أوعى تكونى مصدومة.

نتيجته يا مصر محسومة ما هو أنتى دايما الأولى
أنتى يا مصر أم العرب وأميرة الأميرات حتقومى وحتخطى كل الأزمات
اوعى تحسى بالهوان دا انتى البحر والمرسى ومهد كل الحضارات
ما فيش بينا خاين ولا عميل أو حتى حقير
من الأمى للسفير
كلنا يا أمى فدا عيونك ومين يا مصر غير الندل يقدر يخونك ورب العزة حنصونك