قال الإعلامى باسم يوسف، مقدم برنامج "البرنامج" ساخرًا: أنا مع إجراء حوار وطنى مع الإسلاميين بنفس طريقتهم، نقعد معاهم ونسمعلهم وبعدين نعمل اللى إحنا عاوزينه برضه".
وأضاف يوسف فى تغريدة له بموقع التواصل الاجتماعى "تويتر": إحنا مش محتاجين نُقصى الإخوان ولا السلفيين، سيبوهم على بعض وهما يقوموا بالواجب، وصفوت حجازى يهاجم شيوخ السلفيين اللى قاعدين فى بيوتهم آمال فين مقولة لحوم العلماء مسمومة اللى قرفونا بيها؟.
وتابع الإعلامى الساخر قائلا "من تَطَرُّف وعنصرية الإخوان إلى تطرّف وفاشية من يسموا أنفسهم وطنيين.. إحنا داخلين على أيام سوده وكله بالحب، وزى ما الإخوان والسلفيين اعتبرونى عدو للإسلام، كتير من الإعلاميين اللى وقفوا معايا حيقلبوا عليّا قريب جدًا، الفاشية لا دين لها".
