فيسبوك
واتساب
هو حلال عليكو وحرام علينا
نعيش حرية بجد
ومصيرنا يكون بأيدينا
انتو مين أصلا.. دخلكو إيه بينا؟
تاريخكم مية ميتين سنة.. إحنا تاريخنا الآلاف
ومحدش عدانا فى يوم إلا وكش وخاف
إحنا أرض الكنانة
إحنا خير الجنود
إحنا فى رباط لحد يوم ما نموت
قطعوا.. شتتوا
هنتلحم تانى
ونهد فتنتكم
بأشعار وأغانى
وبصرخة بحس واحد
مصر مصر مصر
وكفايكم قرف.. لازمكو إيه تانى؟
وأنتو فى عيشة وترف
الكل يتمناها
يموت على شكلها.. ويلعن اللى وراها
اللى وراها كدب
كدب ونفاق يا ناس
اللى يقرب منها
بمليون قدم ينداس
بس إحنا واقفنلها يا معدومى الإحساس
واقفنلها كلنا
راس قصاد راس
صورة أرشيفية
