إلى كل المسلمين إلى كل المصريين إلى كل المسيحيين إلى كل ديانات العالم اللى تحرم الدم والقتل إليكم أهدى هذه الكلمات على شباب مصر الذى تهدر أرواحه غدرا وخيانة دون وعى أو ضمير سوى التعصب الأعمى دون النظر إلى المصلحة والمنفعة ومراعاة حرمات الله وإليكم ما كتبت :
=========
دموعى ماتكفيش والدم ما يرويش
صوتى اتخنق قلبى اتحرق
ضلوعى ضاقت م الألم
والعقل تاه والجسم صابه الوهن
دخان وضلمه ونار وبارود
غربان وحدادى وبوم سود
دمار خراب
تاهت الخطوه ماتت النخوه
فين الصديق فين الرفيق تاه الطريق
يالوعتى ياحسرتى ضاع الأمل
سرقوا الحياه سرقوا الأمل
بكلمة قالوها فى فتنه
مسلم مسيحى نجحوا فيها
وولعوا الدنيا بينتنا
بقت مصيبة واتقتل فيها شباب
مسلم مسيحى ماتفرق مين اللى راح
والدم سال ع الأرض بدون حساب
ريحته الزكية عبأت جو المكان
ضاع الكلام اتخرص اللسان
والضلمة جاية فرده جناحتها السود غميق
تزعق بصوت البوم على طول الطريق
طلع الولد ينادى بأعلى صوته لحقه
دخلت رصاصة فى حلقة
شرخت حبال الصوت
قبل الولا ما يموت
لف لفه فى الهوا طار فيها دمه
غرقت خيوط التوب تنعى همه
رنت على عتاب جتته الارض لحضنه
نزلت دموع الالم تشق العيون
والمر علقم فى الحلق وملا البطون
يارب الطف بينا واحنا عليك مانهون
لجل مانعمر ارضك ونملا بالحب الكون
صورة أرشيفية
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة