فيسبوك
واتساب
عام وكامل عدى بيَّا
لقمة بالجبنة القديمة
النهاردة عيش وحاف
إختفت بنت اللئيمة
بيقولولى قال يا ريس
بكرة أحلى حياة كريمة
مش مصدق م اللى شايفه
فكرة بايخة مش سليمة
جزمتى وطالع لسانها
هدمتى بالية وقديمة
بكرة لحمة والفراخ
نكته هايفة كمان عقيمة
***
فين بحوركم والطحينة؟
والعسل والفخفخينا؟
والكلام مدهون بزبدة
ونهضة جاية لو تجينا
شفنا منها سد نهضة
دخان قدوركو كمان عمينا
يوم ماجيتوا جتنا وكسة
نور وميَّه قطعتوا بينا
الحساب وقت الحساب
إرحلوا وسيبوا السفينة
عام وكامل عدى بينا
بسمتى صارت حزينة
***
بيقولولى جاى معانا؟
الخروج هيكون جريمة
قلت ليهم جاى بعيلتي
أشتكى الدنيا الأليمة
السكوت ف اليوم دا لأه
السكوت هوَّه الجريمة
صورة أرشيفية
