نصر فتحى اللوزى يكتب: معجزات النصر مصرية

فريق يقول ابدا مفيش من السد ضرر
وناس تقول ياخوفنا ارضنا تبقى حجر
والطيور مالهاش أعشاش على الشجر
العطش قاتل للارض والحيوان والبشر
***

فريق يقول دا حياتنا لازم مصر تكون
ارواحنا فى سبيل بكره لاولادنا تهون
ندافع عن حق بارواحنا تموت الظنون
انا قلت ياناس قوة بلا حكمة منا جنون
***
فريق بيبكى مقدما على زراعة الخضار
بيقول مش كفاية علينا محرقة الاسعار؟
مية النيل بخير طميها هتنقص بالمليار
قلت عرقنا عاشق للاخضر ضد كل بوار
***
ياناس مصر فيها منا خير الرجال أجناد
قالوا انها محروسة للدنيا من رب العباد
نيلها وشمسها وشهامة اهلها أطيب زاد
اتعلمنا الحكمة والصبر ابدا مايبقوا حداد
***
تعالوا نقرا اتفاقيات النيل معروفة دولية
بالعقل يرجع لنا الحق بلاش حلول دموية
قواتنا درعنا للوطن تقطع كل ايادى خفيه
العالم عارف ان معجزات النصر مصرية
***
قالوا دا سد يسد عننا الخير يزرع الجوع
يطفى حتى النور نعيش ليالينا فى شموع
آلات يموت صوتها انتاج يبقى فى رجوع
قلت دا حلم شيطان من القاموس مرفوع
***