شايفَك سراب شايفَك مفيش
شفاف بصورة ماتسويش
ما بقتشى بتحركنى يوم
مات الكلام ولمين يعيش
ياما تعبت اترجىَ فيك
إنك تخبينى بعنيك
بس أنت حبيت الفُراق
حتى الخداع لايق عليك
عايش تملى بتترسم
وياك مشاعرى بتتقسم
ليل العِناد فيك مشكلة
نادر أشوفك تبتسم
هو احتياجى مُعّجزة
وأطمع فى كلمة كويسة
أو حضن دافى يضمنى
أو نسمة صافية مؤنسة
تفهمنى من غير الكلام
بإشارة أو نظرة وسلام
وتكون لقلبى كل شىء
وتخفف النار والآلام
الجرح كان وياك جروح
والصرخه عاجزة لو تبوح
وصّلتنى للحيرة ليه
ولا فكّرِت عنى تروح
سبنى خلاص خلينى أفوق
مليت أعيش وسط الشقوق
فى البعد يمكن حل ليك
وأبَعد ولا يربُطنى شوق
صورة أرشيفية
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة