حاتم عزام ساخرا: بعض المشاركين اليوم فى التظاهرات فاكرينها Day Use

قال المهندس حاتم عزام نائب رئيس حزب الوسط فى تدوينة له على صفحته الشخصية بموقع التواصل الاجتماعى "فيسبوك" "ناس كثيرة أعرفهم من اللى عمرهم ما نزلوا الثورة ومن مؤيدى جمال مبارك وشايفينه أمل مصر لانتشالها من الضياع، اللى كانوا بيقولوا "حرام عليكم" ارجعوا البلد بتخرب، وإحنا بنرفع يافطات ارحل وإعلام مصر وكنا فى موقعة الجمل وكانوا مش شايفينها ثورة، ثم أتوا يتصوروا فى الميدان فى النهاية لما الثورة نجحت وأيدوا شفيق رئيس وزراء نازلين النهاردة، وبعضهم كان بيشتمنا فى الشوارع نازلين النهاردة التحرير والاتحادية.

وأضاف "عزام" هما فاكرينها Day Use تقضية يوم يعنى. احترم حقهم.. بالتوفيق طالما سلميين، صحيح لهم حق.. إذا كان الثائر معتز كمال الشاذلى نزل من يومين وحسام البدراوى بيقول اليوم رجع ليوم ٢٥ يناير نقائه، وعفاف شعيب نازلة هى وطلعت زكريا مع أهل بلدهم برده.