فقد قام مؤيدى الرئيس من الإخوان وحزب الحرية والعدالة والتيارات الإسلامية بتوزيع مطبوع ورقى يحمل عنوانا "بدل ما تتمرد"، وقاموا بعرض صور لبعض الإعلاميين ووصفوهم ب"الحرامية والكذابين".
بينما قامت معارضة النظام بتوزيع منشورات تحض على النزول يوم 30/6 بعنوان "نازل ولا هتتنازل"، والتى احتوت على بعض العبارات تدعو إلى النزول فى ذلك اليوم بسبب ما اعتبروه تقصير من الدولة حكومة ورئيس فى توفير احتياجات المجتمع.
وقال منشور المعارضة، " نازل ولا هاتتنازل لازم تنزل علشان الفقير ملوش مكان.. وعلشان الأمن والأمان لسه مارجعش.. وعلشان مافيش بنزين.. وعلشان لسه تابعين للأمريكان.. وعلشان بنشحت من الغرب.. وعلشان مشروع النهضة طلع فنكوش.. وعلشان أولادنا اللى اتقتلوا فى رفح.. وعلشان أولادنا اللى اتخطفوا فى رفح.. وعلشان كرامة المصرى لسه مارجعتش.. وعلشان أهداف الثورة لسه ما تحققتش.. وعلشان مستقبلك ومستقبل أولادك".
أما المؤيدون جاء منشورهم " بدل ما تتمرد عمر بلدك وساعد فى حل مشاكلها.. حارب فاسدى النظام القديم وأفضحهم.. علم ولاد بلدك المحتاجين وساعدهم.. حافظ على وحدة البلد ضد المتآمرين والأعداء.. اشتغل وحافظ على بلدك من مصير مجهول".
