عزة عثمان تكتب: مرت سنة

مرت سنة وإيه اللى فيكى اتغير
كنا فاكرين هايطلع عليكى نهار
وترتاحى بعد الصبر وطول الانتظار
وقفنا وقولنا بأيدنا هايكون الاختيار
مــــرت ســــنة
هو يا بلدى نفس الذل هو نفس المرار
وناس مش فاهمة وهاتغرقنا وبأيدها القرار
والشعب بين معارضة وإخوان بات محتار
والمية يوم صاروا سنة والاقتصاد فى انهيار
مـــــرت ســــنة
الأولة
دين من دول شايفة فى مد إيدينا ليها رد اعتبار
والتانية
هايبعوكى يا بلدى بصكوك وبأرخص الأسعار
والتالتة
سد النهضة اللى جاى عليكى بالخراب والدمار
والرابعة
انقسم شعبك بين تجرد وتمرد وربنا الستار
مــــــــرت ســـــــــنة
وضاع دم شهيدك اللى وقف للظلم وثار
وأمه وقفت مكانه شيلة صورته فى حزن وجواها انكسار
مستنية النور يبان مستنية يكمل المشوار
مرت سنة بس لازم بعدها يطلع عليكى نهار