وكتب نجل الشاطر عبر سلسلة من التغريدات على موقع التواصل الاجتماعى "تويتر" عددا من الإنجازات للرئيس والحكومة الحالية، قائلا: "القمح السنة دى زاد وقرب من 10 مليون طن وده معناه إنه ممكن منستوردش قمح خلال 3 سنوات مع العلم بأننا كنا أكبر مستورد للقمح فى العالم، بالإضافة إلى 4.5 مليون فلاح رجعوا يزرعوا القمح والقطن والأرز بعد رفع أسعار توريدها للدولة، وبعد دفع الديون لـ44 ألف فلاح متعثر من الحكومة وإسقاط فوائدها".
وأضاف: "مش برضه رغيف العيش اتحسن والطوابير قلت كتير عن الأول.. واتوقفت سرقة الدقيق المدعوم قوت الغلابة وهل حسيت بمشكلة فى أنبوبة البوتاجاز فى عز الشتاء اللى فات؟ ولما اتحلت حد جاب سيرتها؟".
وتابع نجل الشاطر سرد الإنجازات وأهمها: "زيادة المعاش السنة دى أكتر من الـ10 سنين اللى فاتت، وأكثر من مليون امرأة معيلة لم تكن تحصل على أى دخل من الدولة أصبحت تحصل الآن على معاش شهرى، هذا إلى جانب أن شركتين فقط كانوا متهربين من دفع 42 مليار ضرائب وغرامات للدولة فدفعوهم ولم يبقى أحد فوق القانون، بالإضافة دلوقتى فيه شركة بتتفاوض على دفع 46 مليار حق الدولة، ولسه الحكومة مكمله فى الحرب على الفساد وسرقة مال الشعب"، مشيرا إلى أن الاحتياطى النقدى زاد ووصل إلى 16 مليار دولار رغم زيادة المرتبات والمعاشات والخدمات، علما بأن الرئيس استلم الحكم وكان الرصيد 14 مليار.
واستكمل نجل نائب المرشد: "إعادة تشغيل ما يقرب من 500 مصنع وتم وقف بيع المصانع اللى كانت متسقعة علشان تتباع، ومنها مصانع كبيرة زى النصر للسيارات، قائلا: "ولما التابلت يبقى مكتوب عليه صنع فى مصر موش تبقى مصر بتتغير وبكره أحلي"، معلقا :"أكيد موش ده كل اللى إحنا بنتمناه.. بس احنا ماشيين على الطريق.. ومع بعض مكملين وهنحقق حلمنا بإذن الله أكيد".
وقال: "صحيح لسه مصدق اللى بيقولوا لك إن الرئيس باع الهرم وقناة السويس وبرج القاهرة وماسبيرو وإن الستات هتلبس النقاب بالعافية.. وكتيير من الكدب ده؟".
وفى سياق آخر، عقب نجل الشاطر على مظاهرات "لا للعنف" أمام مسجد رابعة العدوية قائلا: "عايزين كاميرات تغطى كمية الناس اللى فى شارع الطيران".
