نصر الدين محمود سالم يكتب: يا ترى الرسالة وصلت

يا ترى الرسالة وصلت
ول إنتوا مش سامعين
رسالة وانكتبت
راحت
بئالها يومين

مين بيقراها
ومين عامل مشغول
قريتوا فحواها
توقيع ومش مجهول

أنا كتبتها باسمى
توقيعى
نصر الدين
مستنى رد منكوا
بكره هفكركوا
بل اتعمل فينا
الابن تاه م الأم
بتستغيث بيكوا
حطوا كده ف بالكوا
الأم راح جوزها
فين الضمير نلقاه
دعاها كل يوم ف صلاه
والدعوه هتصيبكوا
وبكرا افكركوا
عل اتعمل فينا
لا رحمة ولا إحسان
يللى حاكمنا
هتصرخوا لينا
النجده م السجان
وقبل عشماوى
هتموتوا م المساجين
ال سحلتوها
ال سجنتوها
وفضلوا كتير ساكتين

رسالة قريتوها
ول انتوا مش شايفين
تبقى المصيبة كبيرة
لو إنتوا مش فاهمين
مين بيقراها
ومين عامل مشغول
قريتوا فحواها
توقيع ومش مجهول
انا كتبتها باسمى
توقيعى
نصر الدين