فيسبوك
واتساب
حكاية وقت وأنساكىِ
وأنسىَ كل شىء بينّا
أنا منكرشى حبّيتك
يا حته ف قلبى م الجنة
جمالِك كان جمال طاغى
بيسحرنى وبتمنىَ
أخبيكِ ف أحضانى
وأشوف السعد وأتهنىَ
ولكن كل يوم نبْعِد
عن اليوم اللى كان قَبْله
خلافنا ف كل شىء يشْهد
بإن القُرّب مش وقته
وعشت معاكى كام كدبه
وحُبْك ليّا صدقته
وأتارى الحب كان غلطه
وما عرفتيش ف يوم قيمته
غُرورك بس صّورلك
بإنى دِبْله ف صباعك
وقلبى ليكِ هيسلم
ويفضل عَبّد أطماعك
وأكون طيب وأكون ساذج
وأرضىَ بُكل أوجاعك
تعالى واشكرى قلبى
لأنه أتجرأ وباعك
أرشيفية
