فيسبوك
واتساب
قولت أتغرب من قلة المهيه
لقيت الغربه حراميه
سرقت عمرى وشبابى بدرى
ووحشونى أهلى وقطعوا بيا
ولقيت اللى فاكرنى بره متعين أمير
أو بالميت ماسك هناك منصب وزير
أو يوم لما ما أكونش حاجه خالص
أكون هناك لمصر سفير
ولقيت اللى ماكنش بيطقنى زمان
بقى دلوقتى بيتوددلى عشان
أشوفله شغلانه بره
ويسافر زيى هو كمان
قولت أتغرب زى كتير مصريين
وأسافر بره أعملى قرشين
وأشوف البلاد بره عامله إزاى
وأجرب عيشة البنى آدمين
أرشيفية
