فيسبوك
واتساب
وسكِّتْ وأنا بتكلم
فى عينيها رحت أدوّر
قالت فين رُحت منى
عقلك راح فين يفكّر؟
*********
عارفة أنا ليه بفكّر؟
فيكى بفكر يا سُكّر
مين غيرك تانى يقدر
على أفكارى يأثَّر؟
*********
سارح فى جمال ملامحك
الله ! يا ما حلو رسمك
عسولة أنتى وحلوة
زى القمر المنوَّر .
*********
هايم فى عيون كحيلة
ألوان صافية وجميلة
نظراتهم مستحيلة
عن مِيت معنى تعبّر .
*********
إيدك نايمة ف إيديا
لو تعرفى إيه إللى بيّا
إحساسى ما يتوصفشى
فوق ما العقل يتصور .
*********
ألحان بسمعها صوتك
حتى همسك .. سكوتك
ليهم أنغام رقيقة
يسمعها القلب يسْكَر.
*********
وتقولى ف إيه بفكّر ؟
راح تانى ف إيه أفكّر؟
دا لسانى سكت لأنه
مش لاقى كلام يعبر.
وردة
