اتسرسبت ضحكة
جوة فى أحزانـّا
سايبة لنا تِرّكة
من بعد موت حالنـا
وصْحيت من النجمة
شابب على النجمة
لجل انى اشوف حكمة
ولا حد مكـنـْا
الضحكة مرهونة
والكلمة مدهونة
والفرحة مجنونة
والنور مخاصمْنا
خَدْ الزمن مجروح
غرقان ف بحر جروح
ما عرفنا طعم البوح
تايهة الوشوش منـْا
متكتفة فينا
أشواق تدارينا
يا مين يرسْينا
ع اللى شغل بالنـا
تحدفنا بنجومها
الغيرة وغيومها
والحيرة تحكمها
بين السما تـُهْنا
حدايق الوحدة
واحدة ورا واحدة
على القلوب جاحدة
غرقت مراكبنا
ضفـرت من صوتى
أشواقى وسكوتى
كان سر يوم موتى
لما الحنين سابنا
القبر بين سدرى
شايل سنين صبرى
وانتِ ولا تدرى
يا خسارة أيامنا
إرمى القلق ف النار
ليه من غضب نحتار
خلى اللى بينا عمار
وانسى اللى فرقنا
صورة أرشيفية
مشاركة
اضف تعليقاً واقرأ تعليقات القراء
مشاركة
